शुरु भयो आठौं पिपल नेपालकप क्रिकेट, बाँकी खेल बुधबार र आइतबार
लन्डन- बेलायतको नेपाली समुदायमा वर्षेनी आयोजना हुंदै आएको नेपालकप क्रिकेटको आठौं संस्करण गत आइतबार शुरु भएको छ ।
पोखरेली मञ्च यूकेको आयोजनामा रेडिङको सोनिङ लेनस्थित रेडिङ क्रिकेट एण्ड हक्की क्लबको ग्राउन्डमा प्रतियोगिता शुरु भएको हो ।
एक विशेष समारोहबीच मञ्चका अध्यक्ष करम गुरुङ र प्रमुख अतिथि लन्डन ग्रीनवीचका पूर्व मेयर काउन्सिलर जीत रानाभाटसहितले प्रतियोगिता उद्घाटन गरेका थिए ।
प्रतियोगिताको उदघाटन दिनका खेलहरुमा पोल बी र पोल सीमा रहेका तीन-तीन टीमले समूह चरणमा आफ्नो समूहका अरु दुई टीमसंग खेले । जसबाट पोल बीमा हिमालयन क्रिकेट क्लब र पोल सीमा खुकुरी क्रिकेट क्लब समूह विजेता बन्दै सेमीफाइनल प्रवेश गरेका छन् ।
पोल बीमा हिमालयनले दुई खेलमा वुल्भरह्याम्पट र गोर्खा केन्टलाई हरायो । दुवै खेलमा हिमालयनका प्रफुल वाग्ले म्यान अफ म्याच बने ।
त्यस्तै, पोल सीमा खुकुरी क्रिकेट क्लबले रमाइलो क्रिकेट क्लब र क्वीन्स गोर्खा सिग्नललाई हरायो । यी दुई खेलमा क्रमशः यम थापा र हरिशंकर शाह म्यान अफ द म्याच बन्न सफल भए ।
पोल ए र पोल डीमा रहेका बाँकी तीन-तीन टीमले समूह चरणका दुई-दुई खेल बुधबार खेल्दैछन् । दुवै समूहका विजेता सेमीफाइनल प्रवेश गर्नेछन् ।
पोल एमा माया, वीन्चेष्टर र एभरेष्ट क्लब छन् भने पोल डीमा नवयुवा, माया बी र मिडल्यान्ड वारियर छन्।
प्रतियोगिताका सेमीफाइनल र फाइनल खेल भने आउँदो आइतबार १३ जुलाइमा खेलिनेछन् ।
फाइनलका दिन विशेष कार्यक्रमबीच प्रतियोगिताको समापन गरिनेछ । बेलायतस्थित विभिन्न नेपाली संघसंस्थाका प्रतिनिधि समेतको उपस्थिति रहने उक्त अवसरमा नेपालबाट आएका गायिकाद्वय प्रिया गुरुङ र पवित्रा गुरुङ साथै डान्सर आरुषी मगरले प्रस्तुति दिंदैछन् ।
आयोजक पोखरेली मञ्च यूकेका अध्यक्ष करम गुरुङले खेलाडीहरुलाई हौसला दिन तथा खेल, सांस्कृतिक कार्यक्रम र नेपाली खानासमेत इन्जोइ गर्न कार्यक्रममा सहभागी भइदिन बेलायतवासी सबै नेपालीलाई आग्रह गरेका छन्।
प्रतियोगितामा विजेता टिमलाई २ हजार पाउण्ड नगद, ट्रफी र मेडलसहित पुरस्कार दिइनेछ भने दोस्रो हुने टिम (रनरअप) ले एक हजार पाउण्ड नगद, ट्रफी र मेडल प्राप्त गर्नेछन् ।
त्यस्तै, प्लेयर अफ द टुर्नामेन्टलाई ३०० पाउण्ड र ट्रफी, वेष्ट बलर अफ द सिरिजलाई २५० पाउण्ड नगद र ट्रफी तथा वेष्ट ब्याट्सम्यान अफ द सिरिज हुनेलाई २५० पाउण्ड नगद र ट्रफीसहित पुरस्कृत गरिनेछ ।
इभेन्ट स्पोन्सर पिपल मोर्गेजका सूर्य गुरुङ छन् भने पहिलो पुरस्कार माया ग्रुपका राज पाण्डेले, प्लेयर अफ द टुर्नामेन्ट एभरेष्ट तन्दुरी रेडिङका दावा लामाले, वेष्ट बलर अफ द सिरिजका जे जे डिजाइन एण्ड बिल्ड्सका ज्याक गुरुङले र वेष्ट ब्याट्सम्यान अफ द सिरिजको प्रायोजन डब्लु थ्री वेव टेक्नोलोजीका महेन्द्र कुंवरले प्रायोजन गरेका छन् ।
बेलायतमा रहेका नेपाली क्रिकेटरहरुलाई प्रोत्साहन गर्न पोखरेली मञ्च यूकेले सन् २०१६ देखि वर्षेनी प्रतियोगिता गर्दै आएको छ ।
Notice Board
यस बर्षको HIKE FOR NEPAL विभिन्न कारणहरुले एस पटक हुन नसक्ने भएको हुदा हाम्रो कार्यक्रमसंग जोडिएर हामीलाई सहयोग गर्नु हुने सम्पूर्ण महानुभावहरुमा धन्यवाद सहित HIKE FOR NEPAL नहुने जानकारी गर्...
Related Blogs
